جاي مالريف للعاصمة
مخلي وريا دعوي لميمة
من علة فقيرة و بو .. زاولي
لا سمعنا عمدة ولا والي
راكب في لواج سارح بافكاري
نتذكر الفقر تشعل ناري
في صغرى مشينا قرينا عل كريتا
في صغري نستخايل مناشنا فالخريطة
جاي التونس بشهايدي و ديبلومتي
و كتاب قرأن مدتهولي مماتي
ولاده عمي تعراضلي في باب عليوة
بعد الحملة والبوس شربنا قهيوة
حكينا عالحاضر ولماضـــــــــــي وعلى دشرة
الفقر في دشرتنا صاحب عشرة
لليوم أمي تجيب الماء مه السبالا
و الشمس والقمرة في عوض المنقالا
من باب عليوة للحبيب بورقيبة
مشينا على سقينا شفته الناس غريبة
دنيا زحمة و ناس لكلها تجري
الخبزة غالية كلها تبيع و تشري
شارع ضاوي على يمينك و يسارك
و في دشرتنا شمعة تضوي دارك
على ضو شمعة قرينها و نجحنا
جيت إل تونس بالك فما خبر يفرحنا
...............................................................
جاي مالريف للعاصمة (خ8)
...............................................................
عديت أيامات بحذا بن عمي
هو يشكيلي في همو و انا نشكي في همي
كمل لقراية و توة عامل نصبة
كان مل حاضرين في اعتصامات القصبة
وراني برشة حوم وبرشة حكايات
رد بالك تبع السكرة وبنات
برشة من أولاد جيهتنا مالوا
لا خدمة لا والو عمل للي يحلالو
عديت أيمات نلوج على خديمة
بالك ديبلومتي يولي عندهم قيمة
بابا باع أرضوه بش انا نتخرج
ما نحبش يضيع عمري و انا نتفرج
3 شهور نتسكع قدام لافريكا
من بلاصة لبلاصة الشركة له شركة
بالميتريز متاعي ندادي و نساسي
ما هلكوا لبلاد كان اللي شدوا لكراسي
بدا يوفى عليا زادي و زوادي
بالتليفون نطمن في أمي و مماتي
ديما أحوالي عشرة على عشرة
حشومة كان رجعتلهم فارغ للدشرة
أضربني صبات بين زناقي المدينة
نشوف في وجوه ولاد العم حزينة
اللي جاي ماترز رصاتلو مرماجي
رصاتلي كيفهم نلاجي و نلاجي
..................................................................
جاي مالريف للعاصمة (خ8)
.................................................................
مرة حمال و مرة في حظيرة
تحت المنغلا تلمينا في تصويرة
لامالي فيبالهم باللي وليدهم هاني
حالي و حال داشرة هو إلي بكاني
غربة بين ولاد العم و ولاد العمة
غنيتنا كل ليلة توحشتك يمة
ادعيلي بالك ربي يسهلهالي
ربي وحدو هو اللي عالم بأحوالي
في قلبي برشة غصة و برشة حسرة
وينك يا ميمة متوحش من يديك الكسرة
شكون لى حاسس بالي ولد الريف يعاني
تقول عاملين بالعاني ولد الريف براني
ضربتنا لحيوط و ضربتنا البطالة
والقاري فينا شاده البيوش والبالا
كاذب على بنت العمة نخدم بنكاجي
و انا مرة برمن مرة قهواجي
من قهوة لقهوة من التبرنا لتبرنا
سكرنا بكاس المر و بكينا على زهرنا
ولد الريف يسوفري و ريف يبكي علينا
شنية ذنبنا في ريف حلينا عنينا
جاي مالريف للعاصمة
مخلي وريا دعوي لميمة
من علة فقيرة و بو .. زاولي
لا سمعنا عمدة ولا والي
,.,.,.,.,.,.,.,.,.,.,.,.,.,.,.,.,.,.,.,.,..,.,.,.,.,.,.,.,.,.,.,.,.,
جاي مالريف للعاصمة (خ8)
جاي مالريف للعاصمة
مخلي وريا دعوي لميمة
من علة فقيرة و بو .. زاولي
لا سمعنا عمدة ولا والي
راكب في لواج سارح بافكاري
نتذكر الفقر تشعل ناري
في صغرى مشينا قرينا عل كريتا
في صغري نستخايل مناشنا فالخريطة
جاي التونس بشهايدي و ديبلومتي
و كتاب قرأن مدتهولي مماتي
ولاده عمي تعراضلي في باب عليوة
بعد الحملة والبوس شربنا قهيوة
حكينا عالحاضر ولماضـــــــــــي وعلى دشرة
الفقر في دشرتنا صاحب عشرة
لليوم أمي تجيب الماء