fb

شعر من حياه واقعية

  • 28
  • 0
  • 0
  • آخر تحديث : 16-11-2016

أنا البحر اللى مات غرقان أنا الفرح اللى بات زعلان أنا الحضن اللى بيطمن لكن عمره ما عاش فــ أمان ----------------------- أنا الإيد اللى بتطبطب أنا اللّمة اللى بتقرب أنا الغصن اللى بيجرب يمد فروعه ع الجدران ----------------------- أنا العمر اللى فات تخاطيف أنا الضحكة أم دم خفيف أنا اللون اللى زى الطيف شايل جواه 7 ألوان \ ----------------------- أنا الحلم اللى لسه بعيد أنا الميتم فــ يوم العيد أنا العايش تملى وحيد ما بين الأهل و الخِلان\ ----------------------- أنا الوحدة اللى ملهاش زىّ أنا الجرح اللى من غير آىّ أنا القطر اللى رايح جاىّ فــ نفس السكة و القضبان ----------------------- أنا الضى اللى بينوّر أنا الصدق اللى بيحوّر أنا الصبر اللى بيدوّر على الفرحة بين الأحزان ----------------------- أنا الحب اللى بيفرّح أنا الورد اللى بيفتّح أنا الشوك اللى بيجرّح إيدين الحاسد الشمتان ----------------------- أنا الحاضر و أنا الماضى أنا المليان و أنا الفاضى أنا اللى بالعذاب راضى و برجو العفو و الغفران ----------------------- أنا القيصر و أنا الهلفوت أنا العيشة بطعم الموت أنا اللى كلامى كله سكوت و عقلى الفذّ كله جنان ----------------------- أنا العالِم و أنا الجاهل أنا الصعب اللى بالساهل أنا القلب اللى يستاهل عشان طيب أوى و غلبان ----------------------- أنا المحتار و أنا المسكين أنا المشتاق لنظرة عين أنا الطير اللى كله حنين يهاجر تانى زى زمان ----------------------- أنا البنك اللى متسوّل أنا الليل اللى بيطوّل أنا قديس بيتحوّل فــ غمضة عين لشيخ فلتان

  • شعر من حياه واقعية
  • شعر من حياه واقعية
  • شعر من حياه واقعية

اشترك معنا أو قم بـ تسجيل الدخول لكي تستطيع التعليق .

ميدة
  • تواصل

  • تحويل الأشخاص الى أشباح _ميدةالعالمى
  • Paints
  • رسومات أشخاص بدون تعليم